Home Burudani Mzee Yusuf afichua mazito ya Jahazi

Mzee Yusuf afichua mazito ya Jahazi

1156
0
SHARE

NA KYALAA SEHEYE

ALIYEKUWA mfalme wa muziki wa taarabu nchini, Mzee Yusuf, amesema alijiondoa Ukurugenzi wa kundi la Jahazi Modern Taarab miaka mitatu iliyopita ili kujiandalia mazingira rafiki ya kwenda kumwabudu kikamilifu mola wake.

Mzee Yusuf ambaye alikuwa mmiliki wa kundi hilo, amelieleza DIMBA kwamba, uamuzi wa kuachana na muziki alishauanika muda mrefu lakini watu wengi walikuwa hawaamini na kudhani alikuwa akitafuta kiki.

“Suala la kuacha muziki wa dunia nilikuwa nalo tangu mwaka 2013, mara kwa mara nilikuwa nikisema, lakini watu walijua natafuta umaarufu bila kujua namaanisha, ndio maana nilijivua ukurugenzi huku mimi na mke wangu Leyla tukiwa kama wafanyakazi wa kawaida,” alisema.

Alisema kwa sasa kundi hilo si mali yake na liko chini ya Rashidi Yusuf maarufu kama ‘Chiddy Boy’, Mohammed Mauji, maarufu ‘Gaza Mauji’ na Khadija Yusuf.

Aidha, Mzee Yusuf alisema alichelewa kujiondoa kundini kwa muda mrefu baada ya wasanii wa kundi hilo kumwomba awaelekeze baadhi ya vitu ili wapate pa kushika na muda ulipofika akafanya uamuzi huo mgumu.

LEAVE A REPLY

Please enter your comment!
Please enter your name here